Wia jeds Jahr kurz vor Frühlingsanfang is am 19.03 Josefi, der woi bekannteste Namensdog neben Stefani in Bayern. Aba woher kimmts genau?


Der Dog ism heiligen Josef vo Nazareth gwidmet, am Voda vo Jesus. Josef is sowoi da Patron vo da katholischen Kirch ois aa vo Handwerker, weil er selm Zimmerer war.

Sowoi da katholische Glaube ois aa as Handwerk san in Bayern diaf vawurzelt, wesweng dem Dog wahrscheinlich aa de entsprechende Aufmerksamkeit gschenkt werd. Dazua kimmt, dass da Nama ‚Josef‘ seit Generationen ned unbedingt selten is, wos n’Josefidog nadiarlich no präsenter fia de meisten Familien macht.


Gfeiert wird da Josefidog laut Übalieferungen seitm 9. Jahrhundert und war bis 1968 sogar a gsetzlicha Feierdog in Bayern. Bis dohi hod ma sogar no damit verbundene Traditionen ausglebt, zum Beispiel hod ma jungfräuliche Madl Bleame gschenkt und de Burschn ham de erste Biergartenmass gsuffa, wos si eigentlich beides durchaus noch a nützlichen Gepflogenheit oheard 😉.

Olle Josefs ham teilweise heid no am 19.03 Bahnfreiheit, frei Eintritte und freie Getränke, beispielsweise bei da Wendelstoabahn (ois no offen ghabt hod zumindest).


Folgende Bauernregel beziang si aufn Josefidog:

· Wenn erst einmal Josefi ist, endet auch der Winter gwiß

· Ist es an Josefitag klar, wird es ein fruchtbares Jahr

· Am Josefitag sollte der faulste Bauer auf seinem Acker sein

· Ist's an Joseftag schön, kann's nur gut weitergehn


Leida gäd imma mehr vo solchne scheenen Traditionen valorn, weswengs umso wichtiga is, no vorhandenes Wissen zu dahoitn. Wenn du oiso no mehra interessante Infos zum Josefidog oda andere Traditionen host, na schreib uns gern a Mail an info@boarischkult.de


Quelle: https://www.lra-aoe.de/landkreis/brauchtumspflege/feste-brauchtum-uebers-jahr/josefitag

Foig doch a unserm Instagram-Kanal http://www.instagram.com/boarischkult 

fia mehra boarische Inhalte!

Boarischkult

Josefidog

Teils mit deine Spezln!

1200px-Facebook_Logo_(2019).png
K1024_Unbenannt.png
1024px-Telegram_logo.svg.png
1024px-Mail_(iOS).svg.png
Pinterest-logo.png
Twitter-Symbol.png
174857.png
xing-logo-3bd7a34cb3daaa40-256x256.png

©2021 Boarischkult - Kult is Trumpf!

  • Instagram
  • Spotify Social Icon
  • 1024px-Telegram_logo.svg