Immunschnappserl

6. Februar 2021

Auf d'Gsundheit!
Auf d'Gsundheit!

Auf d'Gsundheit!
Auf d'Gsundheit!

1/1

Üba des Rezept:

Irgendwia beidelts oan bei am Schnappserl, irgendwia duad’s aba aa guad. Des is beim Immunschnappserl nix anders: a bissl scharf, aba auf jedn Foi genau richtig, um gsund durch de koide Wintazeit zum kemma!

Wia lang dauerts?

5 Minutn zum Schäln und Waschn vom Obst glangan

Wos brauch ma dazua?

· Zwoa Mandarinen

· Oa große Orange

· 100 Millilita Mandelmilli

· 100 Millilita Guavensaft

· A Hoibe Zitrona

· A ungefähr fingagroßa Ingwer

· A bissl Wassa, um’s flüssiga zum macha

Wia werds gmacht?

De Mandarinen und de Orangn schäln, derf aba ruhig no de weiße Haut dro sei, de is aa gsund. De Hoibe Zitrone und da Ingwer kennan mit Schoin/Haut hergnomma wern, solangs Bio san, auf jedn Foi aba guad obwaschn davor. Olle Zutatn in an Mixer gem und gscheid durchmixn. Serviertipp: In am Stamperl ho das Dringa a richtig scheene zeremoniale Atmosphäre 😊

Mehra Boarische Rezepte findst do!