Da oide Schlog
Koane Lederhosen, koane Schnulzen, dafür harten boarischen Rock voi ins Gsicht.
Da oide Schlog is ned oidmodisch oder go aggressiv, sondern gewieft, freindlich und anders.
Ende 2017 ham de Burschn ihr ersts Album rausbrocht und dabei as Landshuter Gai lauder und rockiger gmacht.
Egal ob aufm Festival, in da Wirtschaft oider im voia Bierzeit - Am oiden Schlog gfoits auf jeder Bühne.
"Mit voia Wucht", da neia Scheibm und mit no mehra boarischen Rock, gehts beim oiden Schlog weida.
De Band stimmt mit Gitarr und Trompeten an Lobgesang auf de "Wurstsemmen" oh, rockt si mit "Handwerksleid" durchn Fachkräftemangel und seibst da Alois, wahrer boarischer Unabhängigkeit, fliagt mit scheppernde Gitarren und mehrstimmigen Gsang liaba ins Hofbräuhaus ais an Hausel fürn Herrgott zum macha. Beim oiden Schlog kern guade Texte und fetzige Musik einfach zamm.
De Liada kemman direkt ausm Lem und bringang de Leid zum Lacha, aber a zum Nochdenga. Musikalisch bringt die Band vom Rock´n Roller bis zum Tango-Tänzer olle unter oam Huat. Da oide Schlog lasst auf da Bühne nix obrenna und hod scho mit de ganz großen wia an Stefan Dettl und da Spider Murphy Gang zammgspuit.