Loss mi moin

31. Mai 2020

Loss mi moin I bitt’ ganz staad

Mog nur kurz jedm zoang

Wia si de Wäid fia mi grod drahd

Und Landschaften si form‘

Loss mi moin des war so schee

Kannt des fia imma bleim

Wos grod d’Natur vor d’Nosn legt

Des losst si ned beschreim

Loss mi moin du konnsd ma glaam

Wos i gspia is so perfekt

Mogs ausdrucka in olle Farbn

Verweigen den Fleck

Jetzt loss mi moin I fleh di o

So hods no neamand gseng

Ned dass agrad de Perfektion

Fia d’Ewigkeit dann fäid