Gipfegreiz

6. Juli 2020

Ganz gleich ob gläubig oda ned

A jeda wählt di aus ois Zui

Und wurscht wie zach es oft moi gäd

Die Anblick is a bsonders Gfui

So stehst du obn mit broade Arm

Und segnest unsa Land

Siehgst jedn Dog de scheenan Farbn

Vom Sonnenuntergang

Sog wia vui Leid host kennaglernt?

Lies vor aus deinem Buach

Griaß Sonnaliacht und Himmestern

Hob so lang noch dir gsuacht!

De Wäid herom a echte Freid

I glaab da Herrgod kennt koan Geiz

A Wunderwerk fia d’Ewigkeit:

As wunderscheene Gipfegreiz!