Dicht & Ergreifend

Dicht & Ergreifend - Ohne Uns

Veröffentlichungsdatum:

Entdeckt vo:

Dienstag, 29. Dezember 2020

Boarischkult

„Ohne uns werd’s staad“ moanan Dicht & Ergreifend, de mit zahlreiche andre Musika kurz vor Weihnachtn a Liadl mitsamt Video vaöffentlicht ham, bei dem drauf aufmerksam gmacht wern soi, dass Künstla aa schomoi bessere Zeitn erlebt ham ois jetzt grod. Hintagrund is, dass bekanntaweise seit Novemba aufgrund vo de vo da Regierung bestimmtn Corona-Maßnahmen olle Veranstaltungen bis auf weiteres obgsogt woan san. Zwar werd Musika a Ausgleich zoit, aba ob des letzten Endes reicht um de Rechnungen zum zoin, nochdem des Jahr fia Kulturschaffende scho eh scho ned rosig gwen is, wird im Video „ohne uns“ stark ozweifelt. Des Liad selba is zwar lang, aba bietet erstens interessante subjektive Perspektiven vo Künstla auf de aktuelle Situation und bringt zwoatens a große Palette an Musikern a Plattform, de ma bisher vielleicht no ned auf’m Schirm ghabt hod. As Video is nix spektakuläres, wos woi a gewollt war, um eben an Fokus auf’n Inhalt zu leng. Paradox is, dass es fia de Künstla nur de unrebellische Möglichkeit gibt, sie Gehör üba’s Internet zum verschaffn, wodurch ollerdings a Reaktion seitens da Politik ned zu erwarten is. Es is tatsächlich a Zwickmui, in der si de Musika grod befindn: wenn’s wiarglich komplett staad wern dat, dann datn de Leid woi wirklich de Relevanz vo Kunst und Kultur begreifn. In dem Foi miassadn aba olle Künstla wäidweit mitmacha und ihre Inhalte aus’m Internet löschn, wos vollkommen utopisch is. So bleibt ois oanzige Möglichkeit tatsächlich nur da vazweifelte Hilfeschrei in Form des durchaus hörenwerten Liadls, während de Leid dazua oghoitn san, soweit wia möglich durch persönliches Engagement zu untastützn. Des gäd, indem ma de Musi online oheart, Freind weidaleitet, Merchandise-Artikl kafft oda direkt Gäid an de Künstla spendet. Ollerdings konn’s langfristig ned sei, dass ähnlich wia in da Gastro d’Bevölkerung de Suppn ausleffet, wesweng doch a nur de Hoffnung bleibt, dass 2021 fia de betroffenen Gruppn bessa wird.

Dicht & Ergreifend - Ohne Uns

Leserbewertung:

Wia gfoit dia des Video/da Fuim?Konnst de Hosn gemNed so meinsBasstSauguad!Top Video/Fuim!Wia gfoit dia des Video/da Fuim?