Boarischkult

Wandbam basteln

Da aufghängte Wandbam
Da aufghängte Wandbam

Wandbam im Dunkeln
Wandbam im Dunkeln

Durch de Beleichtung macht da Wandbam a im Dunkeln wos her

Weihnachtliche Liachta
Weihnachtliche Liachta

Da aufghängte Wandbam
Da aufghängte Wandbam

1/4

Wos braucht ma?

· 4-8 Stecka

· Weihnachtliche kleine Deko, z.B. Kugeln, Strohsterne, Schleifen, Tannenzweigerl, Goldblätter, etc.

· Batteriebetriebene Lichterkette

· Schnur (etwas festere, dass ma den Bam aufhenga ko)


So werd's gmacht:

1. Im Woid ca. 4-8 Stecka suacha – wichtig dabei is, dass de Stecka alle ungefähr gleich dick san und da reih nach kürzer wern (Bamstruktur)


2. Hoi da a braune Schnur, derf ruhig bissl dicker sei, sie muass schließlich des Hoiz-Konstrukt aushoidn.


3. Am besten unten beim greßten Stock ofanga, Schnur um den Stock am rechten und linken Rand, Knoten rei und mit dem nächst greßan Stock verbinden. Des ganze auf beide Seitn mit olle Stecka macha. Beim obersten, kleansten Stecka die Schnur re. Und links verknoten, sodass ma den Wandbam daro an der Wand aufhenga ko


4. Die Verzierung ko ma macha wia ma mog. I persönlich hab des Zeig aufgsparrt des immer bei Geschenke dabei is, z.B. Kugeln, Strohsterne, Schleifen, Tannenzweigerl, Goldblätter, etc.
De Verzierungen kennan a mit der Schnur befestigt werden oder aber mit da Heißklebepistole.


5. Lichterkette mit Batterien no durchwurschteln und am besten des Ende wo die Batterien rei keman, mit so am Dekozeig wie om gnennt verdecka.